ბათუმის მერმა ლაშა კომახიძემ მოადგილეები დანიშნა. ვიცე მერი თენგო პეტრიძე იქნება, რომელიც 2014 წლიდან დღემდე მერიის კეთილმოწყობის სამსახურის უფროსის თანამდებობას იკავებდა.
მერის მოადგილე ლელა სურმანიძე გახდა, რომელიც აჭარის ჯანდაცვის მინისტრის პირველი მოადგილე იყო.
ახალარჩეული მერის განცხადებით, კადრები პროფესიონალიზმის მიხედვით შეარჩია და ისინი ქალაქისთვის ბევრ სასიკეთო პროექტს განახორციელებენ.