“საზოგადოებრივი მაუწყებლის” ინფორმაციით, თბილისის აეროპორტის შიდა ტერიტორიაზე ასაფეთქებელი მოწყობილობის არსებობის შესახებ შეტყობინება შევიდა. ამ დროისთვის, თბილისის აეროპორტში გამნაღმველები მუშაობენ.
თვითმხილველების განცხადებით, თბილისის აეროპორტში დაშვებული თვითმფრინავიდან მგზავრებს არ უშვებენ. ცოტა ხნის წინ, თბილისის საერთაშორისო აეროპორტში ევაკუაცია გამოცხადდა. ევაკუაცია ახალი და ძველი აეროპორტის ტერიტორიიდან განხორციელდა.
შსს კომენტარის გაკეთებისგან თავს იკავებს.