ოზურგეთში ორი დღის წინ გაუჩინარებული გიორგი როყვა იპოვეს, -ინფორმაციას შსს ადასტურებს. უწყების ცნობით, როყვა განყოფილებაში გადაჰყავთ, რომ გაირკვეს, სად და რა ვითარებაში იმყოფებოდა ის ბოლო ორი დღის განმავლობაში.
შსს-ს ცნობითვე, როყვას არც დაზიანებები აღენიშნება და მის ჯანმრთელობას არანაირი საფრთხე არ ემუქრება.
ოზურგეთის მერობის დამოუკიდებელი კანდიდატის კონსტანტინე შალამბერიძის შტაბის წევრი გიორგი როყვას ადგილსამყოფელი 2 დღე უცნობი იყო. როყვა 8 და 9 ნოემბერს სამსახურში არ გამოცხადებულა. ოპოზიციურმა პარტიებმა საპროტესტო აქციაც კი გამართეს ამასთან დაკავშირებით. შსს-მ საქმის გამოძიება დღეს დაიწყო.