გამყოფი ხაზის მიმდებარე სოფელ ფხვენისში ფეხბურთის მოედნის კეთილმოწყობა იგეგმება. ამის შესახებ ინფორმაციას სპორტისა და ახალგაზდობის საქმეთა სამინისტრო ავრცელებს.
უწყების ცნობით, ადგილობრივი ხელისუფლებისა და შიდა ქართლის ფეხბურთის ფედერაციის ერთობლივი ძალისხმევით ბალახის საფარი სრულად განახლდება, შეიღებება ძელები.
ამ ეტაპზე სოფელ ფხვენისში ფეხბურთში 40-ზე მეტი ბავშვი ვარჯიშობს. ახალგაზრდა სპორტსმენები მინისტრმა ტარიელ ხეჩიკაშვილმა კოლეგასთან, ქეთევან ციხელაშვილთან, პარლამენტის სპორტის კომიტეტის თავმჯდომარე მიხეილ ყაველაშვილთან და ადგილობრივი ხელისუფლების წარმომადგენლებთან ერთად მოინახულა.