ვაშლიჯვარში, გოძიაშვილის ქუჩაზე ხანძარია. როგორც “მეტრონომს” საგანგებო სიტუაციების მართვის სამსახურში განუცხადეს, დაიწვა ორი სატვირთო ავტომობილი, თუმცა მეხანძრეების ჩარევის შედეგად, მესამე ავტომობილი დაწვას გადაურჩა.
ადგილზე მობილიზებულია სამაშველო სამსახურის 7 ბრიგადა, ჯამში 35 მეხანძრე და მიმდინარეობს ხანძრის ლიკვიდაცია.
დამწვარია 400კვ.მ.
მომხდარის შედეგად 2 პირი დაშავდა, რომლებიც სასწრაფო სამედიცინო დახმარების ჯგუფებმა საავადმყოფოში გადაიყვანეს.
ცეცხლის გაჩენის მიზეზი ამ ეტაპზე უცნობია. მიმდინარეობს გამოძიება.