თვითმმართველობის არჩევნები დასრულებულია – 20:00 საათზე ყველა საარჩევნო უბანი საქართველოს მასშტაბით დაიხურა.
საქართველოს პრემიერ-მინისტრმა გიორგი კვირიკაშვილმა „ქართული ოცნების“ ოფისში განცხადება გააკეთა:
„ეს არის დემოკრატიისკენ გადადგმული კიდევ ერთი უმნიშვნელოვანის ნაბიჯი, მადლობა მინდა გადავუხადო თიტოეულ ამომრჩეველს, ქართულმა ოცნებამ ბიძინა ივანიშვილის ხელმძღვანელობით 2012 წლიდან საბოლოოდ შეცვალა ჩვენს ქვეყანაში არცევნების არსი, პარტია ქართული ოცნება ამ დროისთვის არსებული წინასწარი მონაცემებით დიდი უპირატესობით ლიდერობს. ასევე დიდი უპირატესობით ლიდერობს კახა კალაძე და მინდა მოგილოცოთ, ეს არის დიდი გამარჯვება, ველოდებით საბოლოო შედეგებს, ცესკოს დათვლებს, რომელიც დარწმუნებული ვარ დაადასტურებს ქართული ოცნების გამარჯვებას“, – განაცხადა გიორგი კვირიკაშვილმა.
შეგახსენებთ, რომ “ედისონ რისერჩის” ეგზიტპოლები ცნობილია. საარჩევნო უბნების დახურვისთანავე, ორგანიზაცია სამაუწყებლო კომპანია „რუსთავი 2“-ის დაკვეთით თვითმმართველობის არჩევნებთან დაკავშირებით ეგზიტპოლის შედეგები გამოაქვეყნა. პრეზენტაცია „ქორთიარდ მერიოტში“ იმართება. “ედისონ რისერჩის” ინფორმაციით, ცდომილება 3%-იქნება.
პირველ ადგილზე 54%-ით არის კახი კალაძე, 15% -ზაალ უდუმაშვილი, 14%- ალეკო ელისაშვილი.