თბილისის მერი დავით ნარმანია მის შესახებ გავრცელებულ ინფორმაციას იმის შესახებ, რომ შესაძლოა გერმანიაში საქართველოს ელჩად დანიშნონ, არ ადასტურებს და ამბობს, რომ “ჭორია”.
“ეს არის ნამდვილად ჭორი”, – აცხადებს ნარმანია. მისი თქმით, ამ საკითხზე პარტიაში კონსულტაციები არ გამართულა.
თბილისის მოქმედი მერის, დავით ნარმანიას შესაძლო ელჩობის შესახებ ინფორმაცია 11 ოქტომბერს გავრცელდა. საკითხი მას შემდეგ გახდა აქტუალური, რაც მოქმედი ელჩი ლადო ჭანტურია გუშინ ადამიანის უფლებათა ევროპულ სასამართლოში საქართველოს წარმომადგენელ მოსამართლედ აირჩიეს.