ბათუმში, ორი შუახნის მამაკაცი ცეცხლსასროლი იარაღიდან გასროლით დაჭრეს.
ინფორმაციას პირველი არხი ავრცელებს.
ბათუმის სასწრაფო დახმარების სამსახურის უფროსის მოადგილე ბადრი პაქსაძე ამბობს, რომ მათთან შეტყობინება დაახლოებით, საათ-ნახევრის წინ შევიდა. ორივე მამაკაცს ჭრილობები ბარძაყის არეში აღენიშნება. დაზარალებულების სიცოცხლეს საფრთხე არ ემუქრება. დაჭრილები ბათუმის რეფერალურ საავადმყოფოში არიან მოთავსებულნი.
შსს-ში აცხადებენ, რომ ბრალდებული ცხელ კვალზე დააკავეს. გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას ითვალისწინებს.