წნორში, ე.წ. ბროწლიანის დასახლებაში ხანძარი ლიკვიდირებულია. ცეცხლი, რომელიც თავდაპირველად ბალახსა და ბუჩქნარს მოედო, სწრაფად გავრცელდა და საცხოვრებელ სახლებზე გადადების რეალური საფრთხე შეიქმნა.
საგანგებო სიტუაციების მართვის სააგენტოს განცხადებით, ადგილზე მობილიზებული მეხანძრე-მაშველების ოპერატიული მუშაობის შედეგად, ხანძრის გავრცელების საშიშროება აღარ არსებობს.
ადგილზე მობილიზებული იყო სიღნაღის, დედოფლისწყაროსა და გურჯაანის სახანძრო სამაშველო ბრიგადები.
სააგენტოს ინფორმაციით, მაშველებმა ხანძრის ლოკალიზება-ლიკვიდირების სამუშაოები უკვე დაასრულეს.