შსს: “რუსთავი 2″-ის ვებ-გვერდზე განხორციელებული კიბერშეტევის ავტორი დაკავებულია

ტელეკომპანია “რუსთავი 2”-ის ვებ-გვერდზე განხორციელებულ კიბერშეტევაში ეჭვმიტანილი დაკავებულია. ინფორმაციას აღნიშნულის შესახებ შინაგან საქმეთა სამინისტრო ავრცელებს.

“შსს-ს ცენტრალური კრიმინალური პოლიციის დეპარტამენტის კიბერდანაშაულთან ბრძოლის სამმართველომ მიმდინარე წლის 19 სექტემბერს ტელეკომპანია „რუსთავი-2“-ის ვებ-გვერდზე განხორციელებული კიბერშეტევის ფაქტზე გამოძიება საქართველოს სისხლის სამართლის კოდექსის 284-ე მუხლის 1-ლი ნაწილით დაიწყო, რაც კომპიუტერულ სისტემაში უნებართვო შეღწევას გულისხმობს.

საქმეზე ჩატარებული ოპერატიულ-საგამოძიებო მოქმედებების შედეგად, სამართალდამცველებმა გამოავლინეს ტელეკომპანია „რუსთავი-2“-ის ვებ-გვერდზე განხორციელებული კიბერშეტევის ჩამდენი პირი – თეთრიწყაროს რაიონში მცხოვრები, 1999 წელს დაბადებული ე.მ.

პოლიციამ მისი საცხოვრებელი სახლის ჩხრეკისას ნივთმტკიცებად ამოიღო კომპიუტერული ტექნიკა, რომელზეც დანიშნულია შესაბამისი ექსპერტიზა.

გამოძიება კომპიუტერულ სისტემაში უნებართვო შეღწევის ფაქტზე მიმდინარეობს (საქართველოს სისხლის სამართლის კოდექსის 284-ე მუხლის 1-ლი ნაწილით, რაც სასჯელის სახით ითვალისწინებს ჯარიმას, გამასწორებელ სამუშაოს ორ წლამდე ვადით ან იმავე ვადით თავისუფლების აღკვეთას)”- ნათქვამია შსს-ს მიერ გავრცელებულ განცხადებაში.

შეგახსენებთ, რამდენიმე დღის წინ “რუსთავი 2”-ის ჟურნალისტმა თამარ ბაღაშვილმა პირდაპირ ეთერში განაცხადა, რომ არხის ვებ-გვერდზე კიბერშეტევა განხორციელდა, რომელსაც წინ უძღოდა მუქარები. რის შემდეგაც მათ სამართალდამცველებს მიმართეს. ადგილზე, საგამოძიებო მოქმედებები შსს-ს თანამშრომლებმა ჩაატარეს.

შსს: “რუსთავი 2”-ის ვებ-გვერდზე განხორციელებული კიბერშეტევის ავტორი დაკავებულია

საქართველოს პროკურატურა პოლიციელებზე თავდასხმის ფაქტის ამსახველ ვიდეოს აქვეყნებს

აქციაზე დაკავებულ მათე დევიძეს ბრალი წარედგინა

თბილისის სახელმწიფო უნივერსიტეტის პირველი კორპუსის წინ საპროტესტო აქცია გრძელდება

24 ნოემბერს, 17:00 საათზე საქართველოს სხვადასხვა უნივერსიტეტის ლექტორ-მასწავლებლები და სტუდენტები ერთობლივ მარშს...

მენსტრუალური ჭიქა – მენსტრუალური ჰიგიენის ყველაზე იაფი და ეფექტური საშუალება

რედაქცია

ახალი ამბები

საზოგადოება