როგორც უკრაინული მედიასაშუალება “უკრაინსკიე ნოვოსტი” წერს, სამართალდმცველებს აქვთ ვიდეოკადრები, სადაც თვალნათლივ ჩანს, თუ როგორ მოჰყავს მოქმედებაში უცნობ პიროვნებას ასაფეთქებელი მოწყობილობა, რომ ააფეთქოს საქართველოს მოქალაქის, თემურ მახაურის ავტომანქანა.
როგორც წყარო წერს, ვიდეოზე ჩანს პირი, რომელმაც მახაურის ავტომობილი ააფეთქა და მიიმალა.
სავარაუდოდ, ასაფეთქებელი ავტომობილის სალონში იყო მოთავსებული. ადგილზე ასევე აღმოჩენილია დეტონატორის და ასაფეთქებელი მექანიზმის ნაწილები.
შეგახსენებთ, 8 სექტემბერს, კიევში ავტომანქანა აფეთქდა, რომელშიც საქართველოს მოქალაქე თემურ მახაური, იგივე რუსლან პაპასკირი იჯდა.