კიევში მომხდარი აფეთქებისას გარდაცვლილი მეტსახელად „ზონა“ ჩეჩნეთის მეთაურის, რამზან კადიროვის პირადი მტერი იყო. ის 2008 წლის რუსეთ-საქართველოს ომშიც მონაწლეობდა, – ამის შესახებ ინფორმაციას უკრაინის უსაფრთხოების სამსახური ავრცელებს.
„ყველანაირი საშუალებით ებრძოდა პუტინის რეჟიმს, იყო რამზან კადიროვის პირადი მტერი. რუსეთისა და ჩეჩნეთის სპეცსამსახურების მიერ დევნილი იყო. 1999-2000 წლებში დაღესტანში რუსეთის სამხედრო ძალების წინააღმდეგ იბრძოდა, რა პერიოდშიც ის დაჭრეს“, – აღნიშნულია უკრაინის უსაფრთხოების სამსახურის მიერ გამოქვეყნებულ განცხადებაში.
განცხადებაში აღნიშნულია, რომ რუსლან პაპასკირის მკვლელობა 3-ჯერ სცადეს, მათ შორის 2009 წლის 8 მარტს, თბილისში, რა დროსაც მან მცირე დაზიანებები მიიღო.
შეგახსენებთ, 8 სექტემბერს, კიევში დანაღმული ავტომობილი აფეთქდა. შედეგად, საქართველოს მოქალაქე, ეროვნებით ჩეჩენი, ალი ტიმაევი დაიღუპა, რომელიც თემურ მახაურისა და რუსლან პაპასქირის სახელითაც იყო ცნობილი. უკრაინული მედიის ცნობით, აფეთქებულ ავტომობილს ქართული სანომრე ნიშანი ჰქონდა.