თვითმხილველების ინფორმაციით, საგარეჯოს რაიონ სოფელ ბადიაურში, ერთმანეთს საპირისპირო მიმართულებით მოძრავი “ჰონდას” და “ფორდის” მარკის ავტომობილები შეეჯახა. სამწუხაროდ, 17 წლის მოზარდი ადგილზე გარდაიცვალა.
შინაგან საქმეთა სამინისტროს ინფორმაციით, გამოძიება დაიწყო სსკ-ის 276-ე მუხლის მე-5 ნაწილით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რომელმაც ადამიანის სიცოცხლის მოსპობა გამოიწვია.