ბორჯომის ხეობაში, ხანძართან ბრძოლაში შინაგან საქმეთა სამინისტროს განსაკუთრებულ დავალებათა დეპარტამენტის 500 თანამშრომელი ჩაერთო. ამ დროისთვის სტიქიის ზონაში 800-ზე მეტი ადამიანი მუშაობს.
შს მინისტრის, გიორგი მღებრიშვილის თქმით, ამ მომენტისათვის, უკეთესობა გვაქვს იმასთან შედარებით, რაც წუხელ გვქონდა.
„მთელი ძალებით ვართ ჩართული ამ უბედურების თავიდან ასაცილებლად“, -ამბობს მღებრიშვილი.
გავრცელებული ინფორმაციით, თურქეთიდან დამხმარე ძალები უკვე გზაში არიან და სულ მალე შეუერთდებიან ქართველ მაშველებს.
შეგახსენებთ, რამდენიმე დღეა ბორჯომის ხეობაში ხანძარს ებრძვიან. ამ წუთის მონაცემებით, დამწვარია 12 ჰექტარამდე ტერიტორია.