პარლამენტის ძველი შენობის ეზოში გამოფენა “ომი ჩვენს ობიექტივში” გაიხსნა. გამოფენაზე 90 ფოტოსურათია წარმოდგენილი. მოქალაქეებს და ჩამოსულ სტუმრებს შეუძლიათ დღის განმავლობაში დაათვალიერონ გამოფენა, რომელიც აგვისტოს ომს და ომში დაღუპულ კორესპონდენტებს ეძღვნება.
გამოფენაზე ნახავთ: გიორგი აბდალაძის, ზურაბ ქურციკიძის, ივანე შლამოვის, ნოდარ ცხვირაშვილის ფოტოები.
2008 წლის 8 აგვისტოს რუსეთის შეიარაღებული ძალები საქართველოს ტერიტორიაზე შემოიჭრა, სტრატეგიული ობიექტები დაბომბა და საქართველოს ტერიტორიის ოკუპაცია განახორციელა.
