საქართველოში მიმდინარე სამხედრო წრთვნებზე BBC წერს სათაურით – “აშშ საქართველოში სამხედრო წრთვნებს მართავს, რუსეთი კი საზღვაო ძალების დემონსტრირებას ახდენს”.
სტატიაში აღნიშნულია საქართველოს ნატოში გაწევრიანების შესახებ და ჩვენი ქვეყნის სურვილზე დასავლეთთან ინტეგრაციაზე.
აშშ-ს ვიცე პრეზიდენტი მაიკ პენსი საქართველოს ეწვევა და სავარაუდოდ, ამ გეგმას მხარს დაუჭერს, რასაც რუსეთი ეწინააღმდეგება. BBC რუსეთ-საქართველოს ომს იხსენებს და წერს, რომ რუსეთმა ე.წ. სამხრეთ ოსეთისა და აფხაზეთის ოკუპაცია მოახდინა.
შეგახსენებთ, აშშ-ს ვიცე პრეზიდენტი მაიკ პენსი საქართველოს ოფიციალური ვიზიტით ეწვევა.