გორის რაიონის სოფელ ბერშუეთიდან გატაცებული საქართველოს ორი მოქალაქე სამდღიანი უკანონო პატიმრობის შემდეგ გათავისუფლებულია.ზაზა ბერიანიძე და ლევან ტურაშვილი ოკუპირებული ცხინვალის რეჟიმის წარმომადგენლებმა ე.წ. საზღვრის დარღვევისთვის დადგენილი ჯარიმის გადახდის შემდეგ გაათავისუფლეს. ბერიანიძე და ტურაშვილი ე.წ. საზღვრის დარღვევას უარყოფენ. მათივე მტკიცებით, ცხინვალის ციხეში მათთვის ფიზიკური შეურაცყოფა არ მიუყენებიათ.