გორში, სტალინის #13-ში, მრავალსართულიანი შენობის მეხუთე სართულიდან 6 წლამდე ბავშვი გადავარდა. მისი ჯანმრთელობის მდგომარეობა მძიმეა. მოზარდი ქალაქის საავადმყოფოშია გადაყვანილი. მედიკოსების თქმით, ბავშვი მართვით სუნთქვაზეა გადაყვანილი.
“მეტრონომს” შს სამინისტროში განუცხადეს, რომ ფაქტზე გამოძიება სისხლის სამართლის კოდექსის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს და ისჯება ჯარიმით ან გამასწორებელი სამუშაოთი ვადით ორ წლამდე.