გორში ავტობუსს ნაჯახი ესროლეს. ინციდენტის შედეგად ერთი პირია დაშავებული, რომელიც ამ ეტაპზე საავადმყოფოში იმყოფება. უცნობია შემთხვევის დეტალები და რა გახდა დაპირისპირების მიზეზი.
ინფორმაციას ინციდენტის შესახებ შსს-ში ადასტურებენ. გამოძიება სისხლის სამართლის კოდექსის 124-ე (გაუფრთხილებლობით ჯანმრთელობის მძიმე ან ნაკლებად მძიმე დაზიანება) და 187-ე მუხლებით (ნივთის დაზიანება ან განადგურება) დაიწყო.