Tbilisi Open Air 2017-ის სამდღიანი მუსიკალური ფესტივალი დასრულდა. საფესტივალო სივრცეში რამდენიმე სცენა იყო მოწყობლი, სადაც სხვადასხვა ჟანრის ქართველი და უცხოელი შემსრულებლები გამოვიდნენ.
ამ დღეების განმავლობაში ფესტივალის მთავარ სცენაზე მსმენელის წინაშე წარსდგნენ: Anathema, Sevdaliza , Backwarmer , Psychonaut 4 , დაგდაგანი, Leningrad, Soft Eject, LOUDspeakers , Eko & Vinda Folio, არა, Archive, Young Georgian Lolitaz , Kung Fu Junkie და The Black Marrows.
ღონისძიებაზე, როგორც ყოველთვის, ხალხმრავლობა შეინიშნებოდა. უნდა აღინიშნოს, რომ წელს ფესტივალი წინა წლებთან შედარებით უკეთ ორგანიზებული იყო და ამას იქ დამსწრე აუდიტორიაც აღნიშნავდა.
ფესტივალზე წარმოდგენილი კაფეების, სწრაფი კვების ობიექტების, გასაყიდად გამოტანილი ხელნაკეთი ნივთების ფასები ნორმალური და ყველასთვის მისაღები იყო. წელსაც ფესტივალის მონაწილეებს სურვილისამებრ კარვებში ღამის გათენება შეეძლოთ.
Tbilisi Open Air ყოველწლიური ფესტივალია, რომელიც ღია ცის ქვეშ, ცოცხალი მუსიკის თანხლებით იმართება. წელს, მუსიკალური ღონისძიება 16-დან 18 ივნისის ჩათვლით, ისევ შარშანდელ ლოკაციაზე, Lisi Wonderland-ზე გაიმართა.
ნინო ცხადაია