თურქული მედიის ინფორმაციით, სტამბოლში თურქეთის პოლიცია ქალაქის მასშტაბით სპეცოპერაციას ახორციელებს, რომლის სახელიც “მგლის ხაფანგია”.
მედიის ცნობით, სპეცოპერაციაში 5 ათასამდე სამართალდამცველი მონაწილეობს. ოპერაცია მოქალაქეებისთვის დოკუმენტების შემოწმებას და ეჭვის გაჩენის შემთხვევაში მათ დაპატიმრებას ითვალისწინებს.
განსაკუთრებული რეიდები ბაზრებში, ავტო და რკინიგზის სადგურებში მიმდინარეობს. ჯერჯერობით უცნობია რამდენი ადამიანია დაპატიმრებული სპეცოპერაციის დაწყებიდან.