საერთაშორისო ფრენებს ახალი, პირდაპირი მიმართულების რეგულარული რეისი დაემატა – „თბილისი-ლონდონი-თბილისი”, რომელსაც ქართული ავიაკომპანია Georgian Airways შეასრულებს.
დღეს ვიზა-ლიბერალიზაციის პირობებში საქართველოს მოქალაქეებს ეძლევათ უნიკალური საშუალება, რომ დამღლელი პროცედურების გარეშე გაემგზავრონ ევროკავშირის ქვეყნებში,” – ასეთი განცხადება გააკეთა პრემიერმა გიორგი კვირიკაშვილმა, რომელიც აღნიშნული რეისის პრეზენტაციას ესწრებოდა.
„ტერორიზმს, სამწუხაროდ, არ აქვს საზღვრები. ძალიან დიდი იმედი მაქვს, რომ ცივილიზებული სამყარო კონსოლიდაციით შეძლებს დაამარცხოს ეს უდიდესი სენი, რომელიც მსოფლიოს შეეყარა ამ ბოლო პერიოდში”- აღნიშნა პრემიერ მინისტრმა. ღონისძიებას დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩი საქართველოში, ჯასტინ მაკკენზი სმიტი დაესწრო.