“დააკვირდით მკვლელს”: გურამ შარაძის მკვლელობის ვიდეოკადრები ვრცელდება (ვიდეო)

ჟურნალისტი ნინო მიქიაშვილი სოციალურ ქსელში გურამ შარაძის მკვლელობასთან დაკავშირებით წერს:

“შეხედეთ რამდენი თვითმხილველი ჰყავდა 2007 წლის 20 მაისს გურამ შარაძის მკვლელობას, როგორც ფეხით მოსიარულეთა, ისე მანქანებში მსხდომთა შორის. იცოდეთ, რომ უფალი არ გაპატიებთ და მთელი დარჩენილი ცხოვრება ინანებთ, ვინც აკადემიკოს გურამ შარაძის მკვლელობას შეესწარით და დღემდე პირში წყალი გაქვთ ჩაგუბებული. დააკვირდით მკვლელს; გურამ შარაძეს მშვიდად მიდის, ჩანთით ხელში და მას უკან მიჰყვება მკვლელი, რომელსაც თავზე თმა აქვს. გიორგი ბარათელს, რომელიც იმ დღეს დააკავეს და იქიდან მოყოლებული დღემდე საპყრობილეშია, თავგადაპარსული იყო. ეს “ალდაგის” ვიდეოტვალსი გადაღებული მასალაა, რომელიც ინტერნეტსივრცეში რუსუდან შარაძემ გაავრცელა. როგორც ყოველთვის, როგორც ყოველ წელს – 20 მაისს 14 საათზე ვერის სასაფლაოზე, გურამ შარაძის საფლავზე პანაშვიდს გადაიხდიან, ხოლო 19 საათზე მელიქიაშვილის გამზირზე მკვლელობის ადგილას გურამ შარაძის ქალიშვილი, რუსუდანი, მათი ოჯახის წევრები და ახლობლები შეიკრიბებიან რუსუდან შარაძე: ხვალ, 20 მაისს, როგორც ყოველთვის – 14.00 საათზე სასაფლაოზე, 19.00-ზე მელიქიშვილზე ვიქნებით. – წერს მიქიაშვილი.

შეგახსენებთ, გურამ შარაძე რამდენიმე წლის წინ ქუჩაში ცეცხლსასროლი იარაღიდან გასროლით მოკლეს.