ფეისბუქმომხმარებელი კობა ნაროუშვილი სოციალურ ქსელში ფოტოებს ავრცელებს, რომლის მიხედვით, “ღამის მგლები” თბილისში შემოვიდნენ.
შეგახსენებთ, რომ შსს-ს ინფორმაციით, “ღამის მგლები” საქართველოს საზღვრიდან გააბრუნეს.
მოტოციკლისტი დიმიტრი ხრიპკოვი სოციალურ ქსელში საკუთარ გვერდზე წერს:
“დიახ, მოვიდა შეტყობინება სასაზღვრო სამსახურიდან, რომ მაისის დღესასწაულების ბოლომდე მოტოციკლისტებისთვის საქართველოს საზღვარი დაკეტილია. ვინც საზღვარზე დგას დაბრუნდით ვლადიკავკაზში,”-წერს ხრიპკოვი.
გიორგი მღებრიშვილის განცხადებით, რუსი ბაიკერები საქართველოში შემოსვლას არ აპირებენ:
„დამშვიდდით, ისინი შემოსვლას არ აპირებენ“, – განაცხადა გიორგი მღებრიშვილმა.
“მეტრონომი” შსს-სგან კომენტარის მიღებას ელის.
