რუსეთის ქალაქ სურგუტში მომხდარ თავდასხმაზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო. ამის შესახებ SITE Intelligence Group ტერორისტების საინფორმაციო სააგენტო Amaq-ზე დაყრდნობით წერს.
შეგახსენებთ, რუსეთში, ქალაქ სურგუტში დანით შეიარაღებული უცნობი პირი გამვლელებს თავს დაესხა. ამის შესახებ რუსეთის საგამოძიებო კომიტეტი იუწყება:
„წინასწარი ინფორმაციით, უცნობი პირი ქალაქ სურგუტის ცენტრალურ ქუჩაზე ცივი იარაღით თავს დაესხა გამვლელებს, რის შედეგადაც რვა ადამიანია დაშავებული. დაშავებულები ქალაქის საავადმყოფოში არიან გადაყვანილი“, – ნათქვამია საგამოძიებო კომიტეტის განცხადებაში.
ადგილზე გამოძახებულმა სამართალდამცველებმა თავდამსხმელის ლიკვიდირება მოახდინეს.