გამოცემა BALTNEWS.lt-ის ინფორმაციით, ლიტვის სეიმის სპიკერი ვიქტორას პრანცკეტისი 2018 წელს საქართველოსა და ქართველი ხალხისთვის საჩუქრის გაკეთების ინიციატივით გამოდის. როგორც
პრანცკეტისი მიიჩნევს, ლიტველებმა საქართველოს არა „გრუზია“, არამედ „საქართველო“ უნდა უწოდონ:
„ქართველებს არ უყვართ სიტყვა „გრუზია“, მათ „საქართველო“ უფრო მოსწონთ“, – აცხადებს პრანცკეტისი, რომლის იდეას რამდენიმე დეპუტატმა დაუჭირა მხარი.
ლიტვის სეიმის სპიკერის ცნობით, ამის შესახებ ინფორმაცია მას თბილისში რიგითმა მოქალაქეებმა და საქართველოს პრეზიდენტმა გიორგი მარგველაშვილმა, ხოლო ვილნიუსში – ლიტვაში საქართველოს ელჩმა ხათუნა სალუქვაძემ მიაწოდა.