ჯანდაცვის სამინისტროს ინფორმაციით, რეგულირების სააგენტოს კომისიამ კლინიკა “თერჯოლა-მედიში” გარდაცვლილი 2 წლის ბავშვის საქმის შესწავლა დაიწყო.
“კლინიკა „თერჯოლა-მედში“ გარდაცვლილი 2 წლის პაციენტის საქმის შესწავლას, გავრცელებული ინფორმაციის საფუძველზე, რეგულირების სააგენტოს კომისია დღეს დილიდანვე იწყებს”, – აღნიშნულია ინფორმაციაში.
შეგახსენებთ, რომ სამედიცინო ცენტრ “თერჯოლა-მედიში” ორწლინახევრის გოგონა ოპერაციის შემდეგ გარდაიცვალა.
გარდაცვლილის ახლობლები მომხდარში ანესთეზიოლოგს ადანაშაულებენ, რის გამოც ისინი მთელი ღამის განმავლობაში კლინიკასთან იყვნენ შეკრებილი.
მათი თქმით, 2 დღის წინ ბავშვი საწოლიდან გადმოვარდა და ლავიწის ძვალი დაიზიანა, რის გამო საჭირო გახდა ოპერაციის გაკეთება. მედიასთან კომენტარზე უარს აცხადებს კლინიკის ადმინისტრაცია.