გარდაცვლილი 23 წლის თამარ ბაჩალიაშვილის ადვოკატი მიხეილ რამიშვილი აცხადებს, რომ გარდაცვლილი გოგოს ცხედარი, ავტომობილის უკანა სავარძელზე იპოვეს.
მისივე თქმით, გარდაცვალების მიზეზის დასადგენად საქმეში დამოუკიდებელი ექსპერტი, მარიამ ჯიშკარიანი ჩაერთვება.
,,მანქანაშია მოთავსებული, მიმდინარეობს საგამოძიებო მოქმედებები, მოხდება მანქანაის გახსნა, ცხედრის გადმოსვენება. ოჯახი დამოუკიდებელ ექსპერტს მარიამ ჯიშკარიანს ჩართავს, იმიტომ რომ შაქარაშვილის საქმიდან გამომდინარე არ არის ნდობა ექსპერტებთან დაკავშირებით. არის ვერსიები, დეტალურად გადავხედავ საქმის მასალებს, გადავხედავთ გარემოს, 5 დღე რატომ ვერ მოძებნეს, ბევრი კითხვის ნიშანია. უკანა სავარძელზე იპოვეს”, – განაცხადა რამიშვილმა.