NDI-ის საზოგადოებრივი აზრის კვლევის შედეგების მიხედვით, გამოკითხულთა 63% მიიჩნევს, რომ საქართველოში კრიმინალის დონე გაიზარდა.
კითხვაზე როგორია 2016 წლის საპარლამენტო არჩევნების შემდეგ კრიმინალის დონე, პასუხები ასე გადანაწილდა:
გამოკითხულთა 63% მიიჩნევს, რომ კრიმინალის დონე საქართველოში 2016 წლის საპარლამენტო არჩევნების შემდეგ გაიზარდა.
24%-ის აზრით, კრიმინალის დონე იგივე დარჩა.
გამოკითხულთა 9% თვლის, რომ კრიმინალის დონე შემცირდა
კითხვაზე პასუხი – არ ვიცი – 4-მა პროცენტმა გასცა.
შეგახსენებთ, რომ კვლევის საველე სამუშაოები ჩატარდა 20 მარტი-4 აპრილის პერიოდში, საქართველოს მასშტაბით, 2 194 პირისპირ ინტერვიუს წარმომადგენლობითი შერჩევის საფუძველზე.