ოზურგეთში ჭავჭავაძის ქუჩაზე, 3 ახალგაზრდა მამაკაცია დაკავებული. შემთხვევა საბილიარდოში მომხდარ ინციდენტს უკავშირდება.
როგორც „მეტრონომს“ შსს-ს პრესსამსახურში განუცხადეს, საბილიარდოში მომხდარ ჩხუბზე გამოძიება 353-ე მუხლით დაიწყო, რაც საზოგადოებრივი წესრიგის დამცველის მიმართ წინააღმდეგობას, მუქარას ან ძალადობას გულისხმობს.
როგორც შსს-ს პრესსამსახურში აცხადებენ, შემთხვევის დროს პოლიციის 2 თანამშრომელი დაშავდა, რომლებსაც სამედიცინო დახმარება დასჭირდათ.
გავრცელებული ინფორმაციით, საბილიარდოში ინცინდენტი სამოქალაქო ფორმაში ჩაცმულ პოლიციელებსა და ახალგაზრდებს შორის, ბილიარდის თამაშის დროს მოხდა. შსს-ს ინფორმაციით, ახალგაზრდებსა და სამართალდამცველებს შორის ინცინდენტი მას შემდეგ დაიწყო, რაც პოლიციის თანამშრომლები ხმაურის გამო საბილიარდოში შევიდნენ.