მოტოკლუბ „ღამის მგლების“ წევრები შესაძლოა საქართველოში აღარ შემოვიდნენ,- ამის შესახებ საზოგადოებრივ მაუწყებელს
კლუბის პრესმდივანმა ანა კომაროვამ განუცხადა. იმავეს ამბობს კლუბის პრეზიდენტი, ალექსანდრე ზალდოსტანოვი:
„მიგვიწევს გული, თუმცა, ალბათ, ვეღარ მოვასწრებთ. დიდი ხანია, დავპირდი ალექსანდრე ზახარჩენკოს, ასევე პეტერბურგშიც გველოდებიან 6 მაისს“, – კომაროვას თქმით, ეს განცხადება ზალდოსტანოვმა საზოგადოებრივის კითხვის პასუხად გააკეთა.
ზალდოსტანოვი რუსეთის პრეზიდენტ პუტინთან დაახლოებული პირია. „ღამის მგლები“ საქართველოში 2015 წელსაც გამოჩნდნენ. მაშინ მათი ვიზიტის დროს ქართველმა ბაიკერემა ვაკის პარკთან მორიგეობა მოაწყვეს, სადაც ტრადიციულად, მეორე მსოფლიო ომში გამარჯვების დღისადმი მიძღვნილი საზეიმო ღონისძიებები იმართება, რათა პარკში „ღამის მგლები“ არ შეეშვათ. წელს “ღამის მგლების” საქართველოში შემოსვლასთან დაკავშირებით, შსს-მ განცხადება გაავრცელა, რომ მათ გადაადგილებას გააკონტროლებდნენ.