გუშინ ღამის 11 საათზე, ბათუმისა და ლაზეთის ეპარქიის რეზიდენციაში მიტროპოლიტ დიმიტრი შიოლაშვილს, საქართველოს პრემიერ-მინისტრი გიორგი კვირიკაშვილი და აჭარის მთავრობის თამვმჯდომარე ზურაბ პატარაძე შეხვდნენ.
შეხვედრა რამდენიმე საათი გაგრძელდა, თუმცა რა თემაზე უცნობია, რადგანაც პრემიერ-მინისტრმა და აჭარის მთავრობის თავმჯდომარემ შეხვედრა უკომენტაროდ დატოვეს. კვირიკაშვილი და პატარაძე მიტროპოლიტმა რეზიდენციის კარამდე მიაცილა.
აჭარის მთავრობის პრესსამსახურში აცხადებენ, რომ პრემიერ-მინისტრი აჭარაში იყო და სხვა შეხვედრებთან ერთად ეს შეხვედრაც წინასწარ იყო დაგეგმილი. კონკრეტულად რა იყო შეხვედრის მიზანი, პრესსამსახურში არ აკონკრეტებენ.
წყარო: “ნეტგაზეთი”