ზუგდიდში „ნიკორა ტრეიდის“ მაღაზიიდან ძვირადღირებული ალკოჰოლური სასმელები მოიპარეს. ზუგდიდის პოლიციის სამმართველომ საქმე ცხელ კვალზე გახსნა. სამართალდამცველებმა ზუგდიდის მკვიდრი ერთი პირი დააკავეს.
დაკავებულის საცხოვრებელი სახლიდან ამოღებულია ნაქურდალი ალკოჰოლური სასმელები. მოქალაქე ბრალს აღიარებს.
საქმეზე გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.