შსს: გუდაურში ზვავის ჩამოწოლას უცხოელი ტურისტი ემსხვერპლა

გუდაურში ზვავის ჩამოწოლის შედეგად ერთი ადამიანის დაღუპვას შსს ადასტურებს. როგორც “მეტრონომს” შსს-ს პრესსამსახურში განუცხადეს, ტურისტები გუდაურში, გაუკვალავ გზაზე გადავიდნენ, სადაც ზვავი ჩამოწვა და შემთხვევის შედეგად ერთი უცხოელი ტურისტი დაიღუპა.
საქმეზე გამოძიება 116-ე მუხლით აღიძრა, რაც სიცოცხლის გაუფრთხილებლობით მოსპობას გულისხმობს.