ამ წუთებში რუსთაველის გამზირზე სამაუწყებლო კომპანია „რუსთავი2“-ის მხარდასაჭერი აქცია-კონცერტი იწყება. აქციაზე ტელეკომპანიის სახეები გამოვლენ სიტყვით. რუსთაველის გამზირი დილიდან გადაკეტილია. აქ შეკრებილი არიან სხვადასხვა პოლიტიკური პარტიების, არასამთავრობო სექტორის წარმომადგენლები, საზოგადოებისთვის ცნობილი სახეები.
შეგახსენებთ, რომ 2 მარტს საქართველოს უზენაესი სასამართლოს დიდმა პალატამ ტელეკომპანია “რუსთავი 2” ქიბარ ხალვაშს მიაკუთვნა. 3 მარტს, “რუსთავი 2”-ის მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა. 6 მარტს ბიზნესმენმა ქიბარ ხალვაშმა სტრასბურგის სასამართლოს მიმართა და საქმეში მესამე მხარედ ჩართვა მოითხოვა. 7 მარტს სტრასბურგის სასამართლომ “რუსთავი 2”-თან დაკავშირებით უზენაესი სასამართლოს დიდი პალატის მიერ მიღებული გადაწყვეტილების აღსრულების შეჩერების ვადა გაახანგრძლივა.