საკრებულოს შენობაში ცეცხლი ჩამქრალია-ამის შესახებ “მეტრონომს” შსს-ს საგანგებო სიტუაციების სამსახურში დაუდასტურეს.
როგორც საკრებულოს პრეს-ცენტრის წევრმა, თამუნა გვაზავამ “მეტრონომთან” განაცხადა, თანამშრომლები დღეს დათხოვნილები არიან:
“ამ ეტაპზე ცეცხლი ლოკალიზებულია, მიმდინარეობს საგამოძიებო მოქმედებები, რათა დადგინდეს ცეცხლის გამომწევი მიზეზი. აქედან გამომდინარე, თანამშრომლები დღეს შენობაში ვერ შევლენ”-განუცხადა “მეტრონომს” გვაზავამ.
შეგახსენებთ, რომ საკრებულოს შენობის სახურავს ცეცხლი გაუჩნდა, რის შედეგადაც თანამშრომლების ევაკუაცია გახდა საჭირო. დამწვარია 30 კვადრატული მეტრის ფართობი.