საპარლამენტო უმრავლესობის წევრი, ეკა ბესელია ამბობს, რომ ეკლესიის მიმართ ახალი შეტევა დაიწყო. მისივე განცხადებით, დეკანოზ გიორგი მამალაძის დაკავების გარშემო მიმდინარე პროცესს სხვადასხვა პოლიტიკური ძალები საკუთარი პოლიტიკური ინტერესებისათვის იყენებენ:
“ეს მოხდება ფინანსური სანქციების თუ გადასახადების გადახედვის კუთხით, აუდიტის შეშვების მოთხოვნით თუ სხვა, ფაქტია, რომ გარკვეული პოლიტიკური ძალები, სამწუხაროდ, დღეს ეკლესიის მიმართ პირდაპირ შტურმს, შეტევას ახორციელებენ“, – განაცხადა ბესელიამ ჟურნალისტებთან საუბრისას.
შეგახსენებთ, რომ “რუსთავი 2”-მა გაავრცელა დეკანოზ მამალაძის სავარაუდო წერილი, სადაც მაღალი იერარქიის სასულიერო პირის მკვლელობის მცდელობისთვის ბრალდებული და დაკავებული მამალაძე,საპატრიარქოში არსებული ქონების სწორად განკარგვას ეჭვქვეშ აყენებს.