“ნაცმოძრაობის” დუშეთის ორგანიზაციის ყოფილი წარმომადგენელი რეზო ოთარაშვილი, გაზეთ “კვირის პალიტრაში” პარტიის შიგნით მიმდინარე პროცესებზე საუბრობს. მისი თქმით, როცა ის დუშეთის მუნიციპალიტეტის სოციალური დაცვის სამსახურის სპეციალისტი იყო და როცა ის თანამდებობიდან გაათავისუფლეს, პარტიის ოფისის კარს სანამ შეაღებდა, რატიანი-ბოკერიას საუბარს მოჰკრა ყური.
“ნეტავ როდემდე უნდა ვითმინოთ ამ გიჟის ხუშტურებიო, კითხულობდა რატიანი (მივხვდი, მიშას გულისხმობდა). ცოტაც მოიცადე და თავიდან მოვიშორებთო, ეუბნებოდა ბოკერია. ამ დროს შევედი და საუბარი შეწყვიტეს. რა თქმა უნდა, ჩემი პრობლემით არც კი დაინტერესებულან”, – აცხადებს ოთარაშვილი.