აუდიტის სამსახურის ინფორმაციით, “ქართულმა ოცნებამ” ბანკ “ქართუს”, სექტემბერში აღებული სესხი, დეკემბერში უკან დაუბრუნა. პარტიამ წინასაარჩევნო კამპანიის ხარჯებისთვის ბანკიდან მილიონი ლარის ოდენობის სესხი აიღო. შესაბამისი ფინანსური დოკუმენტაციის მიხედვით, მისი დაფარვის ვადა 4 თვე, წლიური საპროცენტო განაკვეთი კი 11 % იყო. სესხის უზრუნველყოფად მითითებული იყო „საქართველოს საარჩევნო კოდექსის” 56-ე მუხლის პირველი ნაწილი, რაც თავის მხრივ იმ პარტიების მიერ მილიონ ლარამდე გაწეული ხარჯების სახელმწიფოს მიერ ანაზღაურებას გულისხმობს, რომელმაც საარჩევნო ბარიერი გადალახა.