“ეროვნული ფორუმის” ყოფილი წევრი გუბაზ სანიკიძე „დემოკრატიული პარტიის“ წევრი ხდება. “ეროვნული ფორუმის“ ყოფილი წევრი მედიას თავად პარტიის ლიდერმა ნინო ბურჯანაძემ წარუდგინა. ბურჯანაძის თქმით, სანიკიძის პარტიაში გაწევრიანებას პოლიტსაბჭოს ყველა წევრმა დაუჭირა მხარი. როგორც სანიკიძემ განაცხადა, მისი პრიორიტეტი საგარეო ურთიერთობების ყველა მიმართულებით განვითარება იქნება. გუბაზ სანიკიძემ ასევე აღნიშნა, რომ ნინო ბურჯანაძეს კარგი ურთიერთობები აქვს რუსეთთან, რაც შესაძლებლობას იძლევა, მოხდეს დიალოგის გამართვა ტერიტორიული მთლიანობის აღდგენის საკითხზე.
შეგახსენებთ, გუბაზ სანიკიძემ “ეროვნული ფორუმი” 11 ნოემბერს დატოვა და დატოვების მიზეზად პირადი მოტივი დაასახელა.