აღმაშენებლის ხეივანზე ორი მსუბუქი ავტომანქანა ერთმანეთს შეეჯახა. როგორც ”მეტრონომის” ჟურნალისტი ადგილიდან იტყობინება, ავარიის შედეგად ერთი ავტომანქანა ამოტრიალდა, ხოლო ერთი ადამიანი უგონო მდგომარეობაში სასწრაფო სამედიცინო პერსონალს საავადმყოფოში გადაჰყავს. როგორც ”მეტრონომს” შსს-ში განუცხადეს, ავარიის შედეგად ერთი ადამიანი მსუბუქად დაშავდა. მომხდარ ფაქტზე გამოძიება სისხლის სამართლის კოდექსის 276-ე მუხლით დაიწყო.