„ნაციონალური მოძრაობის“ ერთ-ერთი ლიდერი გივი თარგამაძე დღეს დაკითხვაზე დაიბარეს, – ამის შესახებ „მეტრონომს“ პარტიაში განუცხადეს.
როგორც „ნაციონალური მოძრაობის“ პრესსამსახურში განგვიცხადეს, თარგამაძე შინაგან საქმეთა სამინისტროში დაკითხვაზე 18:00 საათზეა დაბარებული.
„შინაგან საქმეთა სამინისტრომ გივი თარგამაძე დაიკავეს დღეს, 6 საათზე. თუმცა, ვინაიდან მისი ჯანმრთელობის მდგომარეობა არ არის კარგი, გივიმ სამართალდამცავ უწყებას სთხოვა, რომ სახლში დაკითხონ. ჯერ შინაგან საქმეთა სამინისტროდან პასუხი არ გვაქვს – მივლენ თუ არა სახლში დასაკითხად“ – განუცხადეს „მეტრონომს“ „ნაციონალურ მოძრაობაში“
შეგახსენებთ, 4 ოქტომბერს, ღამით, ”პირიმზესთან“, ”ერთიანი ნაციონალური მოძრაობის“ ერთ-ერთი ლიდერის გივი თარგამაძის ავტომანქანა აფეთქდა. მანქანაში იმყოფებოდა თარგამაძე და მისი მძღოლი. დაშავებულია 5 პირი.
შინაგან საქმეთა სამინისტროს ინფორმაციით, მომხდარ ფაქტზე გამოძიება სისხლის სამართლის კოდექსის 19-109-ე მუხლით დაიწყო, რაც დამამძიმებელ გარემოებაში განზრახ მკვლელობის მცდელობას გულისხმობს.