პროგრამის „გადაიღე საქართველოში“ ფარგლებში კიდევ ერთი, ახალი, რიგით მეოთხე პროექტი ხორციელდება. ინფორმაციას ეკონომიკის სამინისტრო ავრცელებს.
ახალი პროექტის, ამერიკული დრამის „კლოუნის“ გადაღებები საქართველოსა და ნორვეგიაში განხორციელდება და გადაღებების პროცესი 8 თვის განმავლობაში, 2016 წლის 8 აგვისტოდან, 6 მარტის ჩათვლით გაგრძელდება. საქართველოში გადასაღებ მოედნად თბილისისა და რუსთავის ტერიტორიები შეირჩა.
ფილმში ერთ-ერთი მთავარ როლს ცნობილი მსახიობი, ლილი კოლინსი ასრულებს. მხატვრული ფილმის რეჟისორი (Anthony Lucero) ქართულ საპროდიუსერო კომპანია „მისთი დონისთან“ აქტიურად ითანამშრომლებს.
სამინისტროს ინფორმაციით ფილმის გადაღებების ფარგლებში საქართველოში 2 მილიონ ლარამდე დაიხარჯება, რომელშიც უცხოელ ვარსკვლავებთან ერთად ქართველი მსახიობები – ნუცა კუხიანიძე და ქეთი მჭედლიშვილიც მონაწილეობენ.