https://www.youtube.com/watch?v=6yfGB0aZ7MI
სამართალდამცავებმა ბეჟან გუნავა დააკავეს. თავისუფალი საქართველოს ერთ-ერთი ლიდერი მაშინ დააკავეს, როდესაც ის სითი პარკის ოფისთან საევაკუაციო მანქანებს ტერიტორიაზე შესვლის უფლებას არ აძლევდა.
გუნავა ამ ფორმით სითი პარკის საქმიანობას აპროტესტებდა. თავისუფალი საქართველოს ერთ-ერთი ლიდერი ამბობს, რომ კომპანიის საქმიანობა უკანონოა.
“ეს არის მაფია, ხედავთ, ხელბორკილები დამადეს” – ყვიროდა გუნავა.
გუნავა საპატრულო პოლიციის ეკიპაჟებს მოუწოდებდა, შეემოწმებინათ კომპანიის საევაკუაციო მანქანების საბუთები.
საპატრულო პოლიციამ სიტყვიერი გაფრთხილების შემდეგ, ბეჟან გუნავა ტერიტორიიდან ძალის გამოყენებით, საპატრულო პოლიციის ავტომობილით გადაიყვანა.