სროლა იყო წალკის მუნიციპალიტეტში. შედეგად 1 ადამიანი დაიღუპა, დაჭრილია კიდევ ერთი პირი. შინაგან საქმეთა სამინისტროს ცნობით, აღნიშნულ საქმესთან დაკავშირებით ორი პირი უკვე დააკავეს.
შსს-ს ინფორმაციით, ერთ-ერთი პირის მიმართ გამოძიება 108-ე მუხლით დაიწყო, რაც განზრახ მკვლელობას ითვალისწინებს, ხოლო მეორე პირის მიმართ ძიება 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.