ამ წუთებში ბრიუსელში სპეცოპერაცია მიმდინარეობს. პოლიციამ მამაკაცს ალყა შემოარტყა, რადგან მას სამართალდამცავების ინფორმაციით ბომბი ჰქონდა. შემთხვევა ბრიუსელის ცენტრში მოხდა.
შესაძლო აფეთქების გამო მიმდებარე ქუჩაზე ევაკუაცია გამოცხადდა. პოლიციის განცხადებით ვითარებას აკონტროლებენ, თუმცა, ამ დრომდე მამაკაცის დაკავება არ მომხდარა. ხვალ ბელგიის დამოუკიდებლობის დღეა და ქალაქში უამრავი ადამიანი საზეიმო ღონისძიების გამოა ჩასული.