თურქეთში ორი დღის წინ მომხდარი მოვლენების შედეგად დაღუპულთა დაკრძალვა დაიწყო. ცერემონიას ქვეყნის პრეზიდენტი, ყოფილი პრეზიდენტი და ხელისუფლების სხვა წარმომადგენლები ესწრებიან.
შეკრებილ მოქალაქეებს თურქეთის პრეზიდენტმა მიმართა:
“გიულენის მომხრეებმა, როგორც კიბოს ვირუსმა, შეაღწიეს სახელმწიფოს ყველა ორგანოში. ჩვენ ვიცოდით ამის შესახებ. იუსტიციისა და საგარეო საქმეთა სამინისტროებმა გაუგზავნეს ჩვენი მოთხოვნები გიულენის გადმოცემის თაობაზე ამერიკის შეერთებულ შტატებს. დაველოდოთ მათ რეაქციას,” – განაცხადა თურქეთის პრეზიდენტმა.
თურქეთის სამხედრო გადატრიალების მცდელობას 265 ადამიანის სიცოცხლე შეეწირა.