ანსამბლ “ქართული გენის” წევრები, რომლებიც თურქეთში იყვნენ, უკვე საქართველოში არიან. ავტობუსმა სარფის სასაზღვრო გამშვები პუნქტი დაახლოებით ერთი საათის წინ გადმოკვეთა. ანსამბლი საქართველოში ბულგარეთიდან თურქეთის გავლით დაბრუნდა. ავტობუსს, სადაც 50-მდე ბავშვი იმყოფებოდა, სარფში მშობლები დახვდნენ.
აღდგენილია ასევე ავიაკომპანიების მუშაობა. თურქეთში შექმნილი საგანგებო მდგომარეობის შემდეგ უკვე შესრულდა რამდენიმე ავიარეისი სტამბული-თბილისი-სტამბულის მიმართულებით.