საგარეო საქმეთა სამინისტრო განცხადებას ავრცელებს:
„საფრანგეთში, ქალაქ ნიცაში მომხდარ ტერორისტულ აქტთან დაკავშირებით, საქართველოს საელჩოში მოქმედებს ცხელი ხაზი: +33 7 83 31 86 89. საქართველოს საგარეო საქმეთა სამინისტრო საფრანგეთში მყოფ საქართველოს მოქალაქეებს მოუწოდებს თავი შეიკავონ ხალხმრავალ ადგილებში გადაადგილებისაგან და დამატებითი ინფორმაციის მისაღებად დაუკავშირდნენ საქართველოს საელჩოს ცხელ ხაზს.
ცხელი ხაზი ფუნქციონირებს ასევე საქართველოს საგარეო საქმეთა სამინისტროში 09:00-დან 18:00 საათამდე – (+995 32) 294 50 50; 24 საათის განმავლობაში – (+995) 577 98 40 20;
ამ ეტაპზე ფრანგული მხარე დაღუპულთა და დაშავებულთა შორის საქართველოს მოქალაქეების არსებობას არ ადასტურებს.“
შეგახსენებთ, რომ ნიცაში ტერაქტის შედეგად, სადაც სატვირთო ავტომობილი ხალხმრავალ ადგილას შევარდა, მძღოლმა კი სროლაც განახორციელა, ბოლო ინფორმაციით 84 ადამიანი დაიღუპა. 100-ზე მეტი დაშავებულია. ტერაქტზე პასუხისმგებლობა ჯერ არავის აუღია.