რუსეთის მიერ უკრაინაზე ღამით განხორციელებული მასშტაბური დარტყმის დროს პოლონეთის ტერიტორიაზე ორი რუსული რაკეტა და სავარაუდოდ, რეაქტიული დრონი ჩამოვარდა – ამის შესახებ პოლონეთის ვიცე-პრემიერმა და თავდაცვის მინისტრმა ვლადისლავ კოსინიაკ-კამიშმა განაცხადა
მისი თქმით, არავინ დაშავებულა და კრიტიკული ინფრასტრუქტურის დაზიანების შესახებ ინფორმაცია არ არსებობს.
კოსინიაკ-კამიშმა უკრაინაზე ღამით განხორციელებულ დარტყმას სრულმასშტაბიანი ომის დაწყებიდან ერთ-ერთი ყველაზე მასშტაბური უწოდა, ხოლო პოლონეთის საჰაერო სივრცის დარღვევას – „რუსეთის მხრიდან კიდევ ერთი პროვოკაცია“.

